Wyndham Residence 4* - Íbúðahótel

Wyndham Residence Golf del Sur er mjög gott 4* íbúðahótel sem er staðsett á miðju Golf del Sur svæðinu og hefur fengið frábæra dóma

Það er mun rólegra á því svæði heldur en á Americas en allt til alls og frábært að vera með börn þarna.

Íbúðirnar eru mjög rúmgóðar og vel útbúnar og allt til alls til að njóta góða veðrisins og njóta. Þetta eru íbúðir sem við getum svo sannanlega mælt með.

Wyndham Residence býður upp á ýmsar tegundir íbúða allt frá stúdíó fyrir tvo og upp í 150 fm sérbýli með 3 svefnherbergjum og einkasundlaug. Á sumum eins, tveggja og þriggja herbergja íbúðunum fylgir heitur pottur á svölum eða í garði.

Á hótelinu er stór sundlaug, bar og mjög góður veitingastaður sem opinn er allan daginn og oft með skemmtidagskrá á kvöldin. Einnig eru margir aðrir veitingastaðir í göngufæri og einnig skemmtilegir enskir pöbbar sem eru með "live Music" á kvöldin.

Hægt er að fá morgunmat eða hálft fæði ef hentar. En lítil verslun er hluti af hótelinu og þar er hægt að kaupa drykki og allt það helsta í ískápinn og heitt brauð á morgnana.

Á Wyndham er mjög gott að vera með bílaleigubíl þar sem nóg er af gjaldfrjálsum stæðum fyrir utan íbúðirnar.

Einnig er mjög gott að vera í þessum íbúðum í nokkrar vikur og jafnvel spila golf á tveimur 18 holu völlum sem eru rétt hjá Golf del Sur og Amarilla.