Hápunktar Evrópu

Flogið er í beinu morgunflugi og lent í Berlín um hádegi.

Eftir morgunverð verður farið í skoðunarferð um Berlín. Með í för er einnig staðarleiðsögumaður sem mun fræða ykkur um allt er varðar Berlín. Skoðuð verða helstu kennileiti Berlínar með því að fara upp í Berlínarsjónvarpsturninn þar sem hægt er að njóta 360° útsýnis yfir borgina og Spree-ána. Einnig verður Reichstag, Tiergarten, Brandenborgarhliðið og Unter den Linden skoðað. Seinnipartinn er frír tími til að skoða borgina á eigin spýtur. Sjáðu betur leifar Berlínarmúrsins, heimsæktu hið alræmda Checkpoint Charlie og horfðu á sólina ganga niður og ljósin kvikna í þessari líflegu borg.

Eftir morgunverð er ekið af stað í austur áleiðis til Varsjár með viðkomu í Poznan sem er skemmtileg pólsk borg. Eftir að hafa skoðað Poznan er ekið til höfuðborgar Póllands, Varsjá, þar sem gist er í tvær nætur. Varsjá er afar lífleg og skemmtileg borg þar sem margt er að sjá. Víða má enn sjá ummerki um fjötra kommúnismans sem Pólland losnaði undan í byltingunni 1990. Hótelið sem gist er á er staðsett aðeins 350 metrum frá Uppreisnarsafninu í Varsjá og nálægt leifum gettómúranna þannig að hægt er að skoða betur þær hörmungar sem borgarbúar voru í á árum áður. Kvöldinu er gaman að eyða á góðum veitingastað í miðbænum sem urmull er af.

Eftir morgunverð mun staðarleiðsögumaður fara með hópinn um Varsjá og skoða sögulegan miðbæ Varsjár, þar á meðal Gamla bæinn, sem nasistar eyðilögðu í hefndarskyni fyrir hugrakka Varsjáruppreisn. Einnig verður farið um fyrrum gettó í Varsjá, þar sem hundruð þúsunda pólskra gyðinga voru fangelsaðir á meðan þýska hernámið stóð sem gert var ódauðlega á hörmulegan hátt í hinni frábæru mynd Roman Polanski „The Pianist“. Eftir skoðunarferðina er gaman að nýta restina af deginum í að skoða áhugaverða staði borgarinnar á eigin spýtur t.d. til að heimsækja Wilanów-höllina, ómetanlegan vitnisburð um glæsileika konunglegrar fortíðar Póllands. Um kvöldið er sameiginlegur kvöldverður á hefðbundnum veitingastað í Varsjá.

Í dag er ekið leið sem liggur suður frá Varsjá og að Auschwitz minningarstaðnum þar sem skoðaðar verða fyrrum fangabúðir nasista. Það er mjög áhrifamikið að skoða þennan stað sem er minnismerki um einn mesta harmleik síðari heimsstyrjaldarinnar. Eftir að hafa skoðað Auschwitz í fylgd staðarleiðsögumanns er haldið áfram til hinnar heillandi borgar Kraká.

Eftir morgunverð er farið í gönguferð með staðarleiðsögumanni um hina fögru borg Kraká. Gengið er um gamla miðbæinn og víðáttumikið bæjartorgið skoðað. Einnig er Mariacki-kirkjan heimsótt sem státar m.a. af básúnuleik á klukkutíma fresti sem gaman er að sjá. Síðan er farið að Wawel kastalanum þar sem pólskt kóngafólk bjó um aldir. Einnig er farið upp á Wawel-hæðina þar sem stórkostlegt útsýni er yfir borgina. Það sem eftir er dagsins er frjáls dagur þar sem t.d. er gaman að skoða Wieliczka saltnámuna sem er þekkt sem neðanjarðarsalt-dómkirkja Póllands þar sem kapellan er útskorin úr klettasalti auk tuga skúlptúra úr salti. Einnig er gaman að fara að Sernik Babci á torginu í gamla bænum. Um kvöldið væri kannski upplagt að slást í för með öðrum ferðafélögum í dýrindis heimalagaðan pólskan völdverð með dansi og tónlist á Farmhouse Dinner og Polka Party.

Í dag er keyrt um þrjú lönd. Ekið er austur úr Póllandi og í gegnum Tatra-fjöllin í Slóvakíu og til hinnar undurfögru borgar Búdapest í Ungverjalandi. Um kvöldið væri upplagt að fara í fallega kvöldverðarsiglingu um Dóná.

Eftir morgunverð er farið í skoðunarferð um þessa fallegu borg með staðarleiðsögumanni og allir helstu staðir Búdapest skoðaðir. Gaman er að njóta miðborgar Búdapest það sem eftir er af deginum eða fara til Szentendre sem er líflegur bær sem er þekktur fyrir listalíf sitt. Um kvöldið er farið til Schieszl-fjölskyldunnar í kvöldverðarboð þar sem þið heyrið m.a. söguna af víngerðinni þeirra.

Í dag er keyrt frá hinni fallegu Búdapest og farið yfir hæðótta Transdanubíu-svæðið þar sem keyrt er um fallega aldingarða og víngarða á bökkum Dónár þar til stoppað er í fyrrum verslunarleiðabænum Győr. Gaman er að skoða Baross Gábor götuna í Györ áður en keyrt er til Vínarborgar þar sem gist verður í tvær nætur. Við komuna til Vínar er farið í vínsmökkun hjá vínframleiðendum hjá Cobenzl og hágæða sjálfbær vín þeirra smökkuð.

Í dag er fetað í fótspor hinna merku meistara Mozarts, Haydn og Strauss í skoðunarferð með staðarleiðsögumanni um þetta stórkostlega gamla heimsveldi sem Vínarborgar svo sannanlega er. Skoðið m.a. þinghúsið með marmarastyttum, Hofburg-höllina frá 13. öld, ríkisóperuhúsið og dómkirkju heilags Stefáns. Eyddu restinni af deginum í að uppgötva borgina á þínum eigin hraða. Um kvöldið er svo gaman að taka þátt í valfrjálsri upplifun í frægu heimahúsi sem frægt er fyrir austurríska matargerð og tónlistarflutning.

Hin stórkostlega Vínarborg er kvödd og keyrt norður til Tékklands og komið við í Tábor sem eitt sinn var vígi Hussíta. Síðdegis er svo komið til hinnar merkilegu borgar Prag þar sem gist er í tvo daga.

Eftir morgunverð er farið í skoðunarferð um þessa yndislegu borg með staðarleiðsögumanni. Dáðst að hinni tilkomumiklu St. Vitus-dómkirkju sem er staðsett í 1.000 ára gamla Prag-kastala sem gnæfir yfir borginni. Síðan er farið yfir Karlsbrúna sem liggur yfir Vltava ána og yfir að Gamla bæjartorginu þar sem mikið mannlíf er alla daga. Eyddu restinni af deginum í að ráfa um götur gamla bæjarins eða farðu í afslappandi hádegissiglingu á Vltava.

Hin stórkostlega borg Prag er kvödd með söknuði og haldið sem leið liggur vestur yfir þýsku landamærin og komið til heimsborgarinnar Frankfurt. Síðasta kvöldinu er svo eytt í kveðjukvöldverð með fararstjóranum og ferðafélögunum á góðum veitingastað í Frankfurt.

Eftir ævintýraferð um stórborgir Evrópu er gott að eyða laugardeginum fyrir heimför með því að skoða hvað Frankfurt hefur upp á að bjóða. Gaman er að rölta um bæinn og kíkja í þær fjölmörgu búðir, kaffihús, bari og veitingastaði sem eru í miðbænum.

Flogið í beinu flugi til Keflavíkur og lent síðdegis.