Aþena og töfraeyjar Grikklands - 4* & 5* hótel

Flogið verður í beinu flugi með PLAY frá Keflavík kl. 6:45 og lent í Aþenu kl. 15:35 að staðartíma. Tekið er á móti farþegum á flugstöðinni og þeir keyrðir á hótelið sem er um 50 mín. akstur. Það sem eftir er að deginum er frjáls tími sem hægt að er að nýta til að skoða sig um í Aþenu.

Farþegar taki morgunmatinn snemma að morgni og þeim ekið að höfninni Piraeus í Aþenu. Catamaran hraðbátur til Mykonos leggur af stað kl. 7:00 og komið til hafnar í Mykonos um kl. 9:35. Við komu til hafnar í Mykonos býður leiðsögumaður með rútu sem fer með hópinn að skoða Ano Mera þorpið sem er mjög gaman að koma til og upplifa ekta gríska menningu til forna. Einnig verður farið til strandanna frægu Platys Gyalos og Kalafatis Paradise Beach. Eftir ferðina er farið á hótelið til að tékka sig inn. Eftir það er frjáls tími sem hver og einn getur notað til að skoða sig um.

Eftir morgunmat er dagurinn frjáls til að skoða sig um á þessari fallegu eyju. Hægt er að fá upplýsingar frá leiðsögumanni um hvað gaman væri að skoða en eyjan iðar af lífi og er ein vinsælasta eyjan á Eyjahafinu og er fræg fyrir fjörugt næturlíf, verslanir, veitingastaði og mikla menningu.

Eftir morgunmat á hótelinu er lagt af stað kl. 12:45 til eyjunnar frægu Santorini. Siglt er með Catamaran hraðbát og tekur ferðin ekki nema tæpa 3 tíma og komið er til Santorini um kl. 15:35. Í Santorini bíður rúta hópsins og keyrt er á hótelið. Það sem eftir er af deginum er frjáls tími til að skoða sig um í þessari fallegu eyju.

Eftir morgunverð hittið þið leiðsögumanninn sem mun fara með ykkur í 8 tíma ferð um eyjuna fögru Santorini. Farið er í Pyrgos þorpið þar sem hægt er að sjá hvernig heimamenn lifa þar og svo stoppað á Monastery of Profitis Elias sem er hæsti punktur eyjunnar. Eftir það er keyrt í suður til Megalochori og til hinnar frægu svörtu strandar Perivolos & Perissa þar sem borðaður er hádegismatur. Eftir það er farið í vínsmökkun til Santo wines. Síðan er ekið áleiðis til Oia sem er frægt fyrir myndatökur af nýgiftu fólki og listamönnum sem taka myndir og teikna af svæðinu. Eftir að hafa notið sólarlagsins á Oia er haldið heim á hótelið.

Eftir morgunverð á hótelinu er ekið í rútu til hafnarinnar og farið um borð í Catamaran hraðbát sem siglir til eyjarinnar Paros. Lagt er af stað frá Santorini kl. 10:10 og komið til Paros um kl. 13:30. Þegar komið er til Paros bíður rúta sem flytur hópinn á hótelið. Frjáls dagur eftir það.

Eftir morgunverð er dagurinn frjáls til að skoða þessa fallegu eyju. Þeir sem vilja geta farið í valfrjálsa bátsferð þar sem Antiparos & Despotiko er skoðað. Þetta er mjög skemmtileg ferð sem við mælum með. En ef þið viljið taka daginn rólega og skoða ykkur um er það einnig góður kostur.

Eftir morgunverð á hótelinu ekur rúta hópnum að bryggju þar sem Catamaran hraðbátur bíður sem leggur af stað til Aþenu kl. 11:00. Komið er til Aþenu um kl. 14:50 og þá er farið í 2ja tíma skoðunarferð um Aþenu með leiðsögumanni. Farið er til Acropolis og fjölmargt annað að skoða í þessari spennandi borg.

Eftir morgunverð á hótelinu er ekið til flugvallarins í Aþenu. Farið er í loftið um kl. 10:20 og lent í Keflavík um kl. 13:20.