Sueno Hotels Golf Belek 5*

Sueno Hotels Golf Belek er 5* hótel í hjarta Belek sem margir telja besta golfsvæði Evrópu.

Á hótelinu er allt innifalið og eru þar þrír góðir veitingastaðir.

Gestir Sueno Hotels geta nýtt sér alla aðstöðu systurhótelsins Sueno Deluxe. Þar með talið alla veitingastaði, drykki, sundlaugaraðstöðu og kvöldskemmtun

Hótelið er við hliðina á fyrsta teig af öðrum af tveimur frábærum golfvöllum sem eru innan svæðisins.

Golfvellirnir kallast Dunes og Pines og eru mjög flottir 18 holu vellir sem mjög gaman er að spila.

PINES: Er mjög flottur par 72 völlur sem er 6.415 metra langur.

DUNES: Er styttri og talinn léttari en PINES völlurinn en hann er par 69 og er 6.138 metra langur.

Þar er einnig flott klúbbhús og æfingasvæði þar sem hægt er að æfa upphafshögg, vipp og pútt.

Hótelið er með 174 herbergjum og eru öll með loftkælingu, svölum og útsýni yfir hafið eða golfvellina.

Á hótelinu eru einnig sundlaugar og góð SPA aðstaða sem státar m.a. af Tyrknesku baði og ýmsum meðferðum sem hægt er að fá þar gegn gjaldi.

Hótelið er nánast alveg við ströndina og er einungis í um 45 mínútna aksturfjarlægð frá flugvellinum.