Bela Colina 5* í Algarve - 14 nætur

Bela Colina Village er eitt af bestu golfsvæðum vesturhluta Algarve stutt frá hinum vinsæla strandbæ Lagos. Íbúðirnar á Bela Colina eru allar með glæsilegum innréttingum, tveimur hjónaherbergjum, stofu, góðum svölum, nútímalegu eldhúsi með þvottavél, uppþvottavél og fallegu útsýni. Gestir hafa beinan aðgang að upphituðum sundlaugum og tómstundasvæðum.

Boavista golfvöllurinn er nokkuð krefjandi völlur sem hefur fengið mjög góða dóma og mjög gaman er að spila aftur og aftur.

Hönnun vallarins, sem var opnuð árið 2002, tók mið af náttúrulegum útlínum landslagsins og nýtti nærliggjandi landslag á skemmtilegan hátt þar sem útsýni yfir Lagosflóa og Serra de Monchique spila aðalatriðið.

Miðbær Lagos er í innan við 10 mínútna akstursfjarlægð frá hótelinu.

Athugið að dagsetningarnar eru til viðmiðunar.

Við bjóðum einnig upp á 14 daga ferðir með 7 golfhringjum.